لا تصحيـن القصايد...والسهـر ..مــن دون نــار!
لــو تشـبـيـن الـجــروح المبـطـيـه..لاول زمـانــي
مت..من عرض الكلام..وطحت من عين..النهار!
لا نسيـت اللـي ذكــرت ولاذكــرت اللي..نسـانـي!
والبـطـى مــن طــول بـالـه... شغلـتـه هالانتـظـار
ان تباطـانـي.. لقـيـتـه وان تباطـيـتـه. .لـقـانـي !
صعب يـا طـول الطريـق.. تـرد لـي حـب الديـار!
وصعب يا سلمى تموتـي موتتين!!..بقلـب ثانـي!
مـن يقـول ان الوفا..اغـصـان والعصـفـور طــار!
ومن يقول ان الدفـا ..احضـان والبـرد المحانـي!
بـــاب واحــــد لـلـطـريـق ...واتجاهـاتـه..اكـثـار!
والا انا..مـن كــل عقـلـي قـلـت يكتبـنـي جنـانـي!
انـشـدي الدفتـر..عـن اخــر ماكتبـه!ويـن صــار!
وكـم سنـه مـرت عليـه بـلا قصـيـد ولا معـانـي!!
وبسـألـك ياقـلـب ينـبـض بالوفا...عـنـدك خـيـار!
فـيـه بعدالموت..فـرصـه تلتـقـي فيـهـا الامـانــي!
ممكن اعشق مـن جديـد وانبـش جـروح الجـدار!
ممكن اعشق من جديد وارجع اغتـاب الاغانـي؟!
قولـي انــك تسكنـيـن بــراس شـايـب لــه وقــار!
وانـا اهينـه ليـن يلقـى لـي عـذر واجـيـك حـانـي!
قـولـي انـــك تسكـنـيـن عـيــون تتـقـادح..شـرار!
وانـا باحـط اصبعينـي فـي عيـون اللـي عصانـي!
قولـي انـك مـن بـحـور السـبـع وكـنـوز المـحـار!
وانـا اجيبـك مـن بحـور الشعر..انشـودة كيـانـي!
قـولـي انــك اخــر امـالـي وانــا ..بـصــدر قـــرار
واعتـمـد نسـيـان جرحي..وابتـسـم لـلـي كـوانـي!
للرائع الشاعر / عبدالرحمن البلوي